الشروط وسياسة الاسترجاع

هذي الصفحة توضح وش تحصل عليه لما تشتري منصة Boss Deal، ووش حقوقك وحقوقنا، ومتى تقدر تسترجع فلوسك. بشرائك المنصة، أنت توافق على هذي الشروط.

1. وش تشتري بالضبط؟

• تجهيز موقع حجز خاص بعقارك (شاليه، استراحة، مخيم، وحدة سكنية…) باسمك وهويتك، مع لوحة تحكم لإدارة الحجوزات والأسعار والعملاء والتقارير.
• الدفع مرة وحدة، والمنصة ملكك مدى الحياة، بدون اشتراك شهري أو سنوي لـ Boss Deal، وبدون عمولة على حجوزاتك.
• دعم فني مجاني لمدة 6 شهور من تاريخ التسليم.
• ما يشمله السعر: أي ميزة جديدة أو تخصيص خارج المنصة الأساسية، فهذي تكون برسوم إضافية بعرض سعر مستقل.

2. التكاليف الخارجية

هذي تكاليف تُدفع لجهات ثانية، مو لـ Boss Deal، وما تدخل في سعر المنصة:

• الدومين والاستضافة: 166 ريال للسنة الأولى، والتجديد بعدها مع المزوّد اللي تختاره.
• قاعدة البيانات (Supabase): مجانية للبداية، والخطة الاحترافية اختيارية برسوم شهرية لـ Supabase.
• بوابة الدفع (اختيارية): رسوم التسجيل ونسبة العمليات حسب المزوّد اللي تختاره.
• إشعارات الواتساب (اختيارية): رسومها تُدفع لواتساب مباشرة.

أسعار هذي الجهات يحددها كل مزوّد، وممكن تتغير من طرفه.

3. مدة التجهيز والتسليم

• نجهّز موقعك خلال 7 إلى 14 يوم عمل من تاريخ استلام بياناتك كاملة: الشعار، والصور، والأسعار، والسياسات، ومعلومات العقار.
• التأخير في إرسال البيانات أو الردود يمدد مدة التجهيز بنفس المدة.
• يعتبر الموقع «مُسلّم» لما نرسل لك رابط موقعك وبيانات الدخول للوحة التحكم.

4. التعديلات أثناء التجهيز

• قبل التسليم، يحق لك جولتين تعديل مجاناً على المحتوى والألوان والصور والإعدادات.
• أي تعديل بعد ذلك، أو أي ميزة غير موجودة في المنصة، يكون برسوم إضافية بعد موافقتك.

5. سياسة الإلغاء والاسترجاع

• تأخيرنا: إذا تأخرنا عن 14 يوم عمل من استلام بياناتك كاملة، بدون سبب منك، يحق لك الإلغاء واسترجاع المبلغ كامل.
• التكاليف الخارجية: رسوم الدومين والاستضافة ما تُسترجع بعد شرائها، لأنها تُسجّل باسمك ولك. ونفس الشي لأي رسوم دفعتها لجهة ثانية (بوابة الدفع، Supabase، واتساب).
• طريقة الاسترجاع: نرجع المبلغ بنفس طريقة الدفع اللي استخدمتها، خلال 14 يوم عمل من موافقتنا على الطلب.
• كيف تطلب الإلغاء: تواصل معنا على الواتساب +966 54 843 2667 أو الإيميل abossdeal@gmail.com، واذكر رقم الطلب.

6. الدعم الفني

يشمل الدعم المجاني (6 شهور من التسليم):

• إصلاح أي خلل أو خطأ في المنصة.
• المساعدة في استخدام لوحة التحكم.
• حل المشاكل التشغيلية في الموقع.

ما يشمله:

• إضافة ميزات جديدة.
• إدخال المحتوى نيابة عنك.
• الأعطال الناتجة عن تعديلاتك على الكود، أو عن تغييرات من جهات خارجية (الاستضافة، بوابة الدفع، Supabase، واتساب).

بعد 6 شهور: الموقع يكمل يشتغل عادي، وأي دعم إضافي يكون برسوم.

7. الملكية والبيانات

• الموقع وبياناتك وبيانات عملائك ملكك أنت، والموقع على دومينك واستضافتك.
• نحتفظ بحقنا في الكود الأساسي للمنصة. ومن حقك تستخدم نسختك وتعدّل عليها لعقارك، لكن ما يحق لك تعيد بيعها أو توزيعها كمنتج.
• ما نستخدم بيانات عملائك لأي غرض، ونتعامل معها حسب سياسة الخصوصية.

8. مسؤوليتك

• أنت مسؤول عن صحة المحتوى والصور والأسعار والسياسات المنشورة في موقعك، وإن عندك التراخيص النظامية المطلوبة لنشاطك.
• أنت مسؤول عن حساباتك لدى الجهات الخارجية (بوابة الدفع، الاستضافة، Supabase، واتساب)، وعن الضريبة على حجوزاتك.
• حافظ على بيانات دخول لوحة التحكم، ولا تشاركها إلا مع شركائك.

9. حدود المسؤولية

• ما نتحمّل مسؤولية أي توقف أو خلل بسبب جهات خارجية: الاستضافة، بوابة الدفع، Supabase، واتساب، أو انقطاع الإنترنت.
• في كل الأحوال، مسؤوليتنا ما تتجاوز المبلغ اللي دفعته لـ Boss Deal مقابل المنصة.

10. تعديل الشروط

ممكن نحدّث هذي الشروط من وقت لآخر، وننشر التاريخ الجديد أعلى الصفحة. الشروط اللي تنطبق عليك هي المنشورة وقت شرائك.

11. النظام المطبّق

تخضع هذي الشروط لأنظمة المملكة العربية السعودية.

تواصل معنا

واتساب: +966 54 843 2667
الإيميل: abossdeal@gmail.com